Foreldra er positive til leksebevisst skule

Etter over fem år me utvida skuledag, der lærarane hjelper elevane med det som før var heimelekser, er ein stor majoritet av foreldra framleis positive til ordninga. Heile 90,4% meiner at ordninga bør halde fram som no. Vår modell gjev foreldra lekser der dei skal vise interesse for skulearbeidet til borna med heil konkrete «foreldrelekser» på vekeplanen. Skuledagen til borna er utvida med 20 minutt kvar dag. Dette gjev rom for «øvetid», der elevane i løpet av skuledagen har avsett tid til å øve på det som før var heimelekser.