Tekst: Gro A Halvorsen Foto: Laila Gjøsæter Gro A Halvorsen



På tur til Vikanes
Tysdag 20.april 2021

3. klasse har vore på kjempekjekt besøk hos Snefrid Vikanes som bur på Vikanes. Me fekk gå på italiensk luksusresturant og bake vår eigen pizza. Even som er guten til Snefrid, var knallgod til å steike pizzaen. Ho hadde små, nydelege lam som me fekk halde. Eit lite museum hadde ho og. Der hadde dei ein gamal telefon også. Tenk at det gjekk an å ringe med noko sånt!
    Fleire bilete:
Tekst: Anne Elisabeth Trevland Foto: Anne Elisabeth Trevland og Ailinn Spissøy



Redesign og gjenbruk i 6.klasse
Torsdag 15.april 2021

Ivrige elevar jobba med reparasjonar, gjenbruk og redesign. Mange flotte resultat !

Tekst & foto: Kjell Byrknes


WeDo 2.0
Tysdag 13. april 2021

Preben og Luca har starta opp med WeDo 2.0 idag. Dei har rydda og organisert i boksen og prøvd seg litt på programmering. Flinke gutar som samarbeidar godt. Dei gler seg til å læra opp klassekameratar snart.

Tekst & foto: Ingelin Ida Matrie Hansen

Naturfag i 4. klasse
Tysdag 13.april 2021

 

"Stoff som endrar seg" er tema i naturfag for 4.klasse.  Elevane testa ut kva som skjer når ein blandar saman balsam og Maizena. Då blei det ein mjuk og god deig som dei kunne forma figurar med, "Silkedeig" blir den kalla.  

Elevane blanda og saman kulturmjølk, sukker, egg, natron og kveitemjøl. Då vart resultatet gode sveler/lappar som me avslutta naturfagtimen med. 

 

Vårpuss i ballbingen
Tysdag 13.april 2021

I dag har me gjennomført den årlege vårpussen i ballbingen! Takk til kjekke 5. klassingar som hjalp til i det fine vårvéret

Tekst Lars Bakka Foto: Martin Daae Risnes og Lars Bakka


Kjekk gym med 4. klasse
Måndag 12. april 2021

Lisa tok seg av undervisninga i gymmen i 4.klasse i dag. Ho gjennomførte eit flott opplegg med styrketrening med «kortstokk-aktivitetar ».

Frå raud til gult.
Fredag 9.april 2021

 

I dag har alle elevar og vaksne rydda skulen frå "raudt" til "gult" smittevern-nivå.  Alle gjorde ein kjempejobb. Når me kjem til skulen på måndag er alt rydda og fint, og heile klassen kan møtast i eigne klasserom igjen.

Her er nokre bilete frå klasseromma fredag ettermiddag:

 

 

Europa
Fredag 9.april 2021

 

6. klasse har eit gruppearbeid om Europa. Dei har fått i oppgåve å finne ut litt om kultur, naturressursar, folkeslag, transport, historie og turisme. Det har vore spennande å jobbe i eit nytt klasserom.

 

Tekst & foto: Åshild Giving

Fredag er siste dag på raudt nivå
Tordag 8.april 2021

 

Elevane i "gymsal-kohorten" har vore på skulen allereie kl 08.00 for å ha det kjekt med Segway, einhjuling og andre aktivitetar før skulestart. Sjølv om gymsalen ikkje er det beste klasserommet, så er det kjekt at elevane finn seg til rette. På måndag er me tilbake på gult nivå igjen. Då møtest heile 5.klasse i klasserommet igjen.

Vår
Onsdag 7.april 2021

Trass uventa vær så har me i 1.klasse starta på eit tema om våren og alt som skjer i denne årstida. Me har laga vårvindauga i klasserommet, og har starta med fuglar. Når sola kjem på ein liten gjestevisitt får me ein spennande skygge effekt på gardinene i rommet vårt. Det vart rett og slett eit lite skyggeteater og fin kunst på ein gong.
Akkurat som våren dette - full av overraskingar !


Tekst & foto: Anne Sissel Mugaas

Frisk oppstart etter påskeferien
Tysdag 6.april 2021

 

Det vart ein frisk oppstart etter påskeferien med snø og vind. Det var lite som minte om vår denne første skuledagen i april.