Utleige   Jobblenkjer    Rombruksplan  Vaksne ute  Planar  Skuledagen  Tilbakeblikk   Søk om permisjon       KONTAKT OSS!
           


Egg drop challenge
Fredag 25. mai 2022

I dag har 6. klasse hatt egg drop challenge. Det var mange krative og gode forsøk på å få egga til å lande trygt på gulvet i amfiet, men det var berre to av fem egg som overlevde.

Tekst & foto: Erlend Thoresen
Vår visjon:     Kva skjer på
Sagvåg skule?

Me er trygge,  me trivest,   me lærer.
NY UTGÅVE!

    

http://www.sagvagskule.no/a-info.htm

Infboard

   

Cricketturnering

Tysdag 24. mai 2022

 

Ein motivert og fin gjeng i frå 5. – 7. klasse deltok i dag i Cricketturnering på Solid banen. Ekstra stas var det då finalelaget i frå Sagvåg vann og tok 1. plassen. Det er kjekt å kunna komma tilbake til skulen med medalje rundt halsen og ein ny pokal. Alle deltakarane fekk spela minst to kampar kvar, og nokre av elevane fekk medalje for å vera «Player of the match».

Me vil takka Stord Cricket Klubb ved Neeta Sankholkar og Litlabø skule for ei flott gjennomført turnering.



Tekst & foto: Ingeborg Toft Nerland


Takk for besøkert!
Tysdag 24. mai 2022

I dag avslutta Sagvåg FUS-maritime-barnehage besøket på Sagvåg skule med å ete nista i amfiet. Før det hadde dei vore med på ei lita songstund og ein runde rundt på heile skulen vår.

Tekst & foto: Lars Bakka


Inne- og utegym i mai og juni
Måndag 23. mai 2022

I mai og juni vert det både inne- og utegym. I fint ver kjem me til å ha aktivitetar ute. Søndag ettermidag vil det alltid komma Transpondermelding med informasjon om elevane skal ha klede for å vera ute. Kjem det inga melding så er det meldt ver for innegym.


Tekst & foto: Lars Bakka


"Vårsprett"
Onsdag 18. mai 2022

Vårsprett for små og store tyder stor aktivitet på heile skuleområdet. Alle elevane var delt inn i aldersblanda grupper og det var mange aktivitetar og leikar ein kunne delta på. Det vart ei kjekk og elevane var ivrige, glade og aktive .


Tekst: Anne Brit Holm Foto: Vegard Johanesen


Gratulerer med dagen!
Tysdag 17. mai 2022

Det vart ei flott 17. maifeiring for store og små ved Sagvåg skule.Her ser me 7. klasse fremst i toget.

Tekst: Lars Bakka  Foto: AaHV

17. mai-øving
Måndag 16. mai 2022
Om 17. mai vert like flott som generalprøven 16. mai, så vert dette ein flott nasjonaldag 🇳🇴👏🏻🇳🇴☀️


Tekst & foto: Lars Bakka


7. klasse på leirskule dag 4
Publisert fredag 13. mai 2022

Torsdag er dagen for langtur, det blei  ikkje så  veldig lange turar, men veldig kjekke!
Elevane fekk med seg kunnskap om plantar, fotosyntese, og mykje meir. Dei sette opp dukar, laga bål,steikte pinnebrødkaker og laga varme ostesmørbrød. I tillegg bli snøfonner nytta til ulike svalestup og hopp. På grunn av mykje nedbør kunne ikkje elevane gå på bekkevandring.Nokre var likevel så heldige at dei fekk hoppa i ein liten kulp. Den sjansen var det nokre som tok!

Tekst: Kjell Byrknes Foto:  Beate Mettälä Føyen & Kjell Byrknes

Vekesamling
Fredag 13. mai 2022

I dag var det 4. klasse som gav oss kulturinnslaget med flotte dikt. Etter det vart det tid til ein gjennomgang av veka som har gått. I neste veke er det 17. mai på tysdag og "vårsprett" på onsdag, ei kjekk veke å sjå fram til. Vekeoppdraget set fokus på bruk av digitale og analoge verkty i skulearbeidet.

Tekst & foto: Lars Bakka


Ut i verdsrommet og tilbake igjen.....
Torsdag 12. mai 2022

I løpet av mai og juni kjem alle elevane på mellomsteget til å få prøva VR-brillene våre. Med desse kan ein mellom anna reise ut i verdsrommet med NASA, reise i tid til dinosaurane og reise jorda rundt.

Tekst & foto: Lars Bakka


7. klasse på Gullingen dag 3
Tysdag 9. mai 2022

I dag har elevane fått prøva truger. For mange var det første gang. I blaut snø fungerte det flott. Orientering, leikar og spikking av " Gullingenpinnen"  var noko av det som var på programmet. I tillegg fekk elevane eta maten i Bålstova.Der skal omlag halve klassen overnatta, dersom dei held ut så lenge. Dei får lov til å gå på romma dersom dei heller vil det.

Tekst: Kjell Byrknes Foto:  Beate Mettälä Føyen & Kjell Byrknes



Vårpussen held fram!
Onsdag 11. mai 2022

I dag var det kunstutsmykkinga i uteområdet som fekk seg ein grundig vask. Du kan lesa meir om Turid Uldal og kunstutsmykkinga inne og ute ved Sagvåg skule her>>

Tekst & foto: Lars Bakka


7. klasse på Gullingen dag 2
Tysdag 9. mai 2022

Starten på tysdagen blei fuktig. Det regna tett, men dei aller fleste hadde gode regnklede.Med ski på beina gjekk me innover dalen, medan elvar og bekker brusa. Nokre stader måtte me ta av oss skiene for å passera område utan snø. Oppe i dalen letta regnet, me fekk opp telt, fyrte bål og hadde skileik. Ein fin dag for å læra seg å kle seg, og å ha nok mat og utstyr i sekken. Dette blei ein av dei aller siste turane med ski på beina.

Tekst: Kjell Byrknes Foto:  Beate Mettälä Føyen & Kjell Byrknes



Vårsamling i 1.-4. klasse
Tysdag 10. mai 2022

I dag hadde 1.-4.klasse vårsamling i amfiet. Alle klassane bidrog med innslag og framførte for kvarandre. 2.klasse hadde ansvaret for samlinga, Marius og Andrea i 2.klasse var stødige programleiarar gjennom heile samlinga. Det var dikt, song og 17.maistemning - rett og slett ei veldig kjekk stund !

Tekst & foto: Anne Sissel Mugaas


7. klasse på Gullingen
Måndag 9. mai 2022

Første dag på Gullungen har vore som ein varm og fin påskedag. Sol og smeltende snø gjorde at det var mjukt å detta.. Me hadde ulike leikar som "hauk og due" og    "stiv heks." Me fekk og andre utfordringar i ein  bakke. Alle koste seg og hadde det kjekt. I kveld var det akekonkurranse.

Tekst: Kjell Byrknes Foto:  Beate Mettälä Føyen & Kjell Byrknes


2. klasse på «kvalpetitt»🐕‍🦺
Måndag 9. mai 2022

I dag fekk me koma på besøk til Andrea og sjå dei søte kvalpane deira. No er dei 8 veker og leveringsklare, og tre nye familiar skal få bli kjende med desse små og skjønne skapningane. Tusen takk for «titten» - og for is
😉

Tekst & foto: Hildegunn Sæbø Heimro

Vårpuss i 2. klasse
Torsdag 5. mai 2022

2.klasse tek ansvar og ryddar i området sitt og gjorde ein kjempegod jobb !!

Tekst & foto: Anne Sissel Mugaas


Valvatna FUS barnehage
Torsdag 5. mai 2022

I dag hadde me kjekt besøk av 19 kjekke femåringar frå Valvatna FUS-barnehage. Borna fekk omvising på skulen vår og ei songstund med rektor. To av desse borna vert elevar på Sagvåg skule til hausten.

Tekst & foto: Lars Bakka

« Hopp for hjertet❤️ 2022»
Onsdag 4. mai 2022

Det er mykje hopp og sprett i 4. klasse for tida, me er nemleg med på konkurransen « Hopp for hjertet
❤️ 2022»

Tekst & foto: Anne Brit Holm


Turdag i 1. klasse😊

Onsdag 4. mai 2022

Me har klatra i tre, ausa ein båt, funne insekter, hatt natursti, og jammen fekk me tid til å ete nista vår og. Kjekt å utforske nærområdet vårt, i dag gjekk me til Fletaneset.

Tekst & foto: Lene T Almås


"Gjennoppdag!"
Tysdag 3. mai 2022

Måndag og tysdag hadde me besøk av Petra Rahm frå Hordaland kunstsentar. Ho hadde eit fint opplegg for 5.-6. og 7. klasse..

Petra skriv:Petra skriv:
"Kort fortalt handler prosjektet om å se kunst på skolen eller i nærområdet med et nytt blikk. Opplegget er skreddersydd til hver enkelt skole, og består av én del hvor vi ser sammen på kunst/nærområde, og én verkstedsdel!"
Vennlig hilsen,
Petra Rahm, Hordaland kunstsenter

Foto: Lars Bakka


Vårpuss
Tysdag 4. mai 2022

I dag var Matti i 7. klasse med rektor og pussa opp paradisa i skuleområdet. Me hadde ikkje meir gul og orange maling, men ny maling kjem onsdag.

Tekst & foto: Lars Bakka


Gamle stolar vert som nye
Tysdag 4. mai 2022

Emma, Malin og Hedda i 6. klasse har spesialisert seg på å trekka om elevstolane i småskulen med mjuke sitjeputer. Stolane frå 2006 heiter eigentleg "Kompis" og vart levert med harde tresete. No vert dei mjukare å sitja på. Snart har alle elevane i 1. til 4. klasse fått "nye" stolar.

Tekst & foto: Lars Bakkaa



Me lærer alle noko nytt kvar dag!
Fredag 29. april 2022

Det er ikkje berre elevane som lærer noko nytt kvar dag på Sagvåg skule. Her er det assisterande rektor Egil som får opplæring i bruk av Oculus Quest 2 VR-briller av Emil i 6. klasse

Tekst & foto: Lars Bakka




Tekst & foto: Lars Bakka